Mibalik Siya
By Genamos_US of Washington DC, USA
Kaniadto gitinguha ko ikaw
Sa gugma nga mitumaw
Pagbati walay makahulip
Mawad-an ko sa pangisip
Sa nanglabay nga panahon
Kalimtan ko ikaw palabihon
Sala ko nga ikaw bawion
Sa langit ako pakasad-on
Sakit pero akong tumanon
Aron ako magmalinawon
Hikalimtan ang nangagi
Nga maoy bugtong paagi
Ikaw nagtinguha kanako
Kon ngano dili ikaw maako
May hinigugma ka naman
Imo ba siyang biyaan?
Nahigugma ka man kaniya
Mga mata mo akong nabasa
Pagbati mo kaniya labaw
Sama sa pagsubang sa adlaw
Ampingi kanang pagbati
Aron dughan dili mapiti
Kanako ikaw akong gipasaylo
Nga sa laing gugma ikaw gihaylo
Nakaplagan ko na ang kalinaw
Sa imong gugma nga nahanaw
Karon mobalik ka sa akong kiliran
Sa tinood ikaw akong balibaran
Sa unsa pa may kapuslanan
Nga natapos naman ang tanan
Kay ang gugma ta nga nalawos
Ayaw isipa nga kini panimawos
I LIKE THIS GEN.AKONG SUMPAYAN HEHEHEHE....HUMAN SA TANAN NGA IMONG GIBIYAAN,,NAGPASABOT LANG NGA MAY LAIN PANG LABAW SA TANAN.KUN SA BAHANDI KA NAHAYLO,,DIDTO IPADAYON ANG IMONG PAGKA-AMBISYOSO.AYAW NA PAGBALIK SA IMONG GIBIYAAN KAY MORA KA LANG UG NAGKA-ON UG BALIK SA IMONG GISUKAAN.SAYON KA RANG HAYLU-ON SA DAYANDAYAN SA USA KA DIAMOND UG KINI DILI ANGAY NIMONG TALIKDAN HUMAN NIMO HIBAW-I NGA IKAW RAY GIPAHIMUSLAN.ANG GABA DILI MAGSABA MA-OY PAG-INGNON,,,KARMA DAWATA KAY WALA NIMO HUNAHUNA NGA AKO GISAKITAN SA IMONG PAGKALAMPINGASAN.
ReplyDelete