Lisod Ikaw Hikalimtan
By Genamos_US of Washington DC, USA
Sa higayon nga makita ko ikaw
Nga may bag-ong kuyog naglakaw
Kay sa laing bukton ikaw giguyod
Nga ang mga kamot ko namanhod
Walay makahulip sa imong puwesto
Nga ang dughan ko nakagusto
Ning mga ngabil puno sa kahidlaw
Sa mga halok ako nakapanghupaw
Makadaghan ko kini gihunahunaan
Ang pagpangita sa tag-iya ning dughan
Sa dughan ko ikaw gibalayan
Aron kining gugma ko masuwayan
Ikaw lamang ang bugtong makatagbaw
Sa pagbati ko nga walay makaugdaw
Ang mga pagbati ko dili makalingkawas
Sa mga pahiyum mo ako gibanlas
Akong gitugyan ang mga mata sa gugma
Aron sa kinabuhi ko ikaw akong masuprisa
Pero unsaon nako sa pagkalimot kaniya
Nga ang anino sa pagbati padayon nangaliya
Murag ang gugma ko may kadina
Nga lisod putlon ang mahigugma
Bisag nagkalagyo ang duha tang mga dughan
Ikaw gihapon ang tag-iya ning akong kalibutan
agi lang ko.
ReplyDeletenindot kining imong luna
maayong magpalandog panagsa
labi na sa init nga kaudtuhon
maghumol sa tunaan
magsalum-salom
maminaw sa tinagaktak
sa letra sa imong mga pulong
hehehe nilabtik sab ang balak dah....salamat inday Hazel sa paghapit ning payag. Salamat sa pagdasig ning akong dughan. Sa mga pulong mong gibuhi-an. Magpadayon ko pagsulat sa mga kasinati-an sa kinabuhi. Aron kini ibaambit ko kini sa katawhan nagpamati.
ReplyDeleteAnah~...
ReplyDeletePadayon sa pagkapa kapa
lupad haron maabot
ang tumoy sa bangaw.