Total Pageviews

Monday, October 28, 2013

Ang Paghandom Sa Mga Mitaliwan

Ang Paghandom Sa Mga Mitaliwan
By Genamos_US of Washington DC, USA

Matag Nobyembre 2 atong kining gisaulog
Ang adlaw sa mga kalag kita nagpatighog
Ang paghandom sa mga nangamatay
Ang mga kalag sa dugay nang mipahulay

Bisag wala na sila niining kalibutan
Tipik gihapon sila ning mga dughan
Timaan sa atong paghigugma kanila
Ug paghatag og igong importansya

Ang pagduaw sa ilang mga lubnganan
Ang pagdagkot og kandila sa pagtimaan
Ang paglitok og pipila ka mga pag-ampo
Bisag hamobo apan kinasingkasing dako

Ang pag-andam ug paghalad og mga pagkaon
Labi na kini paborito sa namatay pagaandamon
Pagasawhan kini sa tibook pamilya
Human sa pagpangadye sa nobena

Daw kini usa ka tradisyon sa katolisismo
Gisunod sa mga katoliko sukad pa kaniadto
Giaghat kita sa pagtambong sa tulo ka mga misa
Alang sa mga namatay, kaparian ug santo papa

Pipila lang kini sa atong mga naandan
Sa atong pamilya ug sa mga katigulangan
Ang paghatag kanila og respeto o pagtahod
Sa atong mga indibidwal na pagtuo gisunod

Nagkalainlain man ang mga ritwal na gitamod
Sa relihosong aspeto ug kaugalingon kita gitulod
Ang katuyoan niining tanan kay ang paghandom
Sa kinabuhi kaniadto sa namatay tam-is o aslom

Kon asa man kaha sila karon gibutang sa Ginoo
Nanghinaot ang ilang mga kalag wala napasmo
Sa mga grasya ug kalooy sa Dios sila gipasaylo
Aron ikauban nila ang mga angel ug mga santo

7 comments:

  1. This comment has been removed by the author.

    ReplyDelete
    Replies
    1. BISAN WALA NA SILA PERO SA ATONG KASINGKASING UG SA ATONG HUNAHUNA ANAA RA SILA KANUNAY.

      THANKS GEN.NINDOT NGA PAGKAHIMUTANG ANG IMONG BALAK.TAKE CARE ALWAYS AND GOD BLESS HUGGGGGGGGGSSSSSSSSS

      Delete
    2. Walay sapayan inday Mar, May mga higayon nga mingawon ta nila. Pero alang kanako murag anaa ra sila nakig-uban gihapon kanato. Dili lang nato sila makita ug mahikap. Take care inday and God bless.

      Delete
  2. They are always in our heart..Ginahandom sa kanunay..

    ReplyDelete
    Replies
    1. Handomon nato sila bisag gamay. Hatagan nato sila og luna ning atong mga dughan.

      Delete
  3. Nindot nga balak dong genamos, Nindot gyud sa tanan kon naa pa ko sa pinas,kay nindot ang celebrations sa atua..

    ReplyDelete
    Replies
    1. Sus inday Rose, mingawon gyud ko sa probinsya kung kalagkalag. Ang init na bingka ug biko pun-an sa mga kaparyentehan mag-salo salo. Mao ra gayud kini ang higayon makatapok ang tanan. Maghandom sa mga namatay natong mga kabanay. Daghang salamat kanimo inday Rose sa pagsunod. Take care and God bless.

      Delete