Ang Litson
By Genamos_US of Washington DC, USA
Nag-ubo ang baboy
Sa guod nagtaroy
Nagsinaw ang simod
Ang lawas gatuy-od
Gilamasan ug giasinan
Aron mahimong lamian
Ang lawas gihaplasan
Sa patis na gamhanan
Daghan ang mag-atang
Ang kahumot makabuang
Sud-an na dili mabalibaran
Kon iandam ug sumsuman
Sa mga piyesta ug kombira
Halinon gayud ni siya
Unang sud-an mahurot
Sa mga gigutom di kalusot
Ang kubal pagkakagumkom
Mga nagkaon nagpahiyom
Gitambalan sa ilang kaibog
Pun-an sa tuba makahubog
Lami isawsaw sa pinakurat
Pus-an ug sili makapugwat
Kalas kaayog puso ug kan-on
Kay lami-an intawon ang litson
Kon man gani dili mahurot
Paksiwon ug pritohon esyot
Apan magbantaybantay kita
Sa adunay alta-presyon gidala
Basin intawon kita madisgrasya
Sa laming pagkaon kita madala
Hinayhinay lang ug dili tantong sobra
Labi na sa karne nga puno sa protina
Gipahinungod ko kining balak
Gisulat ko dinhi sa akong lawak
Ang piyesta sa Talisay sa Sugbo
Ang litson didto akong ipasigarbo
Lamia sa litson gyud, Nice poem Dong Genamos
ReplyDeleteYikes!, lami oy, Gigutom gani ko nasulat aning balak. :)..Nahinomdom lang ko gud sa pyesta sa Talisay ang mga litson didto intawon nagkalata pun-an pa na perting lamia. Sus, ma-hayblad gyud ta ani maghunahuna...!!!! Wala man lami dinhi na litson oy. Lahi gyud ang timplada sa Cebu labi na sa Talisay. Daghang salamat inday.
Delete