Ang Mayor Nangita Sa Baktin
By Genamos_US of Washington DC, USA
Nangaukay ang tibook nasod
Sa usa ka dakong balita misulod
Didto man kini nahitabo sa Davao
Ang usa ka krimen nga misumaw
Gipangita kuno ang usa ka baktin
Nga dili ordinaryo na nagdiindiin
Ang gipangita kuno dili kini baboy
O kaha hayop nga nagbagdoybagdoy
Alyas lang kini sa usa ka tawo
Ang tawag kaniya sa mga sindikato
Aron tagoon ang iyang pagkatawo
Si Ryan Yu kuno ni siya mga amigo
Kining baktin hari sa mga sindikato
Mga kaubanan nadakpan misirbato
Ang pagpangarnap diay ang negosyo
Ning mga kriminal nga mipasiyo
Kining baktin idlas pa sa manatad
Mga kapulisan nangita nagpasad
Wala hikit-i kon asa kini nagtago
Basin adunay nagpaloyo nga dako
Ang mayor gipaningot nga nanganti
Ang baktin patyon aron may ganti
Naghulat ang 5 milyones mga amigo
Sa makadakop o patay walay pasaylo
Gihimakak kini sa naglagot na mayor
Ang iyang ngalan mura daw gitirador
Gilambigit ang ngalan sa iyang anak
Nga may koneksyon kuno sa inahak
Sa pasangil nga walay igong basihan
Kun bahid politika ba ang padulngan
Gituhoan na karon ang baktin nakagawas
Sa Thailand, Malaysia o Taiwan ang hudas
Kun tinood man kini ang taho mga higala
Nan maglisod na kita sa pagdakop kon kanus-a
Kun walay tabang sa uban nga mga ahensiya
Sa gawas nasod ug uban pa pagkadimalasa
Nadakpan nga diay kining baktin kaniadto
Uban sa mga “Pang brothers” na sindikato
Gibuhian kini sa otoridad kay walay kaso
Kay ang ngalan sa baktin wala nalambigit kuno
Ang dakong tamparos o sagpa mga amigo
Kadtong mga mipalit sa kinawat nangapriso
Pagkalaot hunahunaon ang ilang gidangatan
Bisag sayop man kini ila gayud nang barogan
Apan karon ang baktin gigukod na og latigo
Kay ang mayor nangita na sa hari sa sindikato
Magtimbayong ang tibook katilingban karon
Aron luwas ang nasod sa mga badlongon
Busa kamong mga badlongon sa katilingban
Pagbag-o na kamo aron dili kamo malatusan
Sa mga balaud nga naghulat aron kamo silotan
Undanga ang kabuang aron di pa ulahi ang tanan
idlasa gud nga baktin...
ReplyDeleteMaayo gani kay ang baktin nakabuhi, kay kung nadakpan pa... ihaw g'yud unta. ;)
ReplyDeleteMaayo man nga ang mayor sa Davao ug ang iyahang mga ginsakupan mao'y nangunay gayud sa pagpitol ug pagpakgang sa ngil-ad o ngilngig nga mga lihok (hinimo sa mga high-profiled ug gang criminals (mostly children)) nga nagapanghitabo sulod sa ilahang lungsod, apan dakong sayop ang pag-sikup ug pagpatay kay wala kini nahisubay sa nasudnong pamalaod-krimin nga nag-ingon: Wala'y pahamtang silot gawas kung napamatud'ang sad-an. Dapat nagaagi gayud ang tanan sa hukuman maski pa'g unsa ka ngilngig ang nahimong sayop sa gisumbongan o napamatud'ang sad-an. Kining akong comment kay nagabasi sa akong mga nahibaloan kabahin sa mayor nga akong gihisgutan. Kay kung ako pangutan-on, ang ginahimo sa mayor kay usa pod kini ka krimin, ug wala kini nahisubay sa insakto ug maayong pamalaodnon. Mura ug iyahang gikumkom na mismo ang balaod. Usa kini ka dakong human rights violation. Akong nasay'ran pod nga sangkot ang Davao Death Squads diin sa akong nahibalo-an siya mismo mao'y usa sa nangulo. Tinood ba? Looy lang kaayo ang mga bata. Kasagarang gipangpatay kay mga minor-de-edad pa. :( Pagka-wala'y puangod!
Tuod diay, maayo kini pagka-han-ay. Nindot ang uban nimong mga pasumbingay. Well done!
ReplyDeleteThanks inday Nhejzheen ug Undong Baybayon sa pagbasa..hehehe..dili lang nato klarohon oy kay basin ta ani mapasnginan...sa nahingtungdan.
ReplyDelete